محمد السناني و مستور العصيمي

محمد السناني و مستور العصيمي و حوار العمالقه
.
السناني

سلام يا أهل الحفله اللّي جالها سمعه وصيت
من طيبها يبقى على طـول الليالـي صيتهـا
عطنا علومك يالعصيمي وش هدمت وش بنيت
قالو كسرت شداد ريمـه والعصـا وطّيتهـا
مستور


يامرحبا بالشاعر اللّي من بلاد العيص جيت
أوحيتها ياصاحبي ولا بعـد مـا أوحيتهـا
أنـا ليـا حدّتنـي الأيّـام دوّرت و لقيـت
وأنته سوات العنكبوت اللّي تخيّـط بيتهـا

السناني


دام البقا باللّي مسيّر بالجزيـره كمبليـت
وأهل الكويت اليا بغا حاجه يخش كويتهـا
أنته ثلاث سنين تبني بيت فوق أنقاض بيت
حاولت فالعقده ووقفـت لـك ولا حلّيتهـا




مستور


أنا غزيت مع أوّل الفرسان وأنته ماغزيت
وأنا ليا رحـت بمهمّـه كايـده أنهيتهـا
أحسبك تدري يامحمّد وأنت غافل مادريت
وأثرك توسوس في صلاة الله ليا صلّيتها


السناني


الغزوه اللّي سجّلوها الربع وأنتـه مابغيـت
محدن يقول أنـك تسوّيهـا لكـن سوّيتهـا
هذي الحقيقه يالعصيمي إن زعلت وإن رضيت
معقول ثـارت عنـدك البنـدق ولا حسّيتهـا

مستور


أنا ليا حوّلت في سوق الغلا بعت وشريـت
ويميني أطول منـك يامحمّـد ليـا مدّيتهـا
يامصاحب التجّار طال العمر وينك ما أغتنيت
والحامضـه ماتنطعـم لوبالعسـل حلّيتهـا


السناني


أنته مناوي مدّت اليمنا لكنّك ماقويت
ياليتها تسلم على ماحصّلت ياليتهـا
أجامل التجّار لكنّي نويت اللّي نويت
وبضاعةٍ ماسمّيَت وبضاعةٍ سمّيتها

مستور
جاتك من الله يامحمّد لاسعيت ولادعيت
وأثرك ماطلّعت سكينـك ولا حدّيتهـا