الشيخ الشيوخ ابن براك

قصيدة موجهه لشيخ شمل قبيلة بني رشيد الشيخ / عبد الرحمن بن مطني بن براك

[poem=font="simplified arabic,6,black,bold,normal" bkcolor="transparent" bkimage="backgrounds/18.gif" border="solid,6,darkred" type=1 line=0 align=center use=ex num="0,black""]
ســـلام ياشـــيـخ الشـيوخ أبــن براك =شيـخٍ شـــمـخ طـــيـبه وكـــل درابه
يالطــيب اللي طبت من طيب مجناك=وافــي ولك بيـن الـــقـبايـل مهابه
ناديتــنا وحـنا بــبيـــشـة وجــيناك=مـــقــــابلٍ دعوتـك بالاستــجابة
جـــتنا مـــناديبــك وجـــينا لعيناك=ولا فــــلالـــي يـــم حــايل طلابه
والله لـو مـــنت بكـفــو مانــــصيناك=ماخـــاب ظـــن اللي عنت لك ركابه
ياطـــيبٍ من طــيـب ساسـك عرفناك=شيــخ الشيــوخ اللـي عــزيزٍ جنابه
العــام نســــمع فــيك واليوم شفناك=هــداج تيـــــماء يروي اللــي سقابه
ومـــالك فـخر في الطـيب لنه منهاك=من الشايــب اللي دفـن في حد لابه
راعـي البويـــضاء عــند ذولا وذولاك=الله يــعـــوضــه الـجـــنان بشبابه
جـدك ورثك الطـــيب وابـوك وصاك=ثم صــرت نــورٍ صــاطـــعٍ يقتدابه
شيــخ ٍ تقــود اشيـــوخ مثلك وشرواك=ياحــــــظ من أنتـم له شيوخ ولابه
من طـــيب ربعــك ثم من فعل يمناك= صــرتو مــثل كـــلٍ سمــعه وحكابه
ونهــــــــايةٍ الله يــعـــــزك ويحماك= ويتـــبعك نهــج النـــبي والصحابه
ويصلح لك اعمالك ويصلح لك أبناك= مــــنا الـدعاء والله عـليــه الاجابه[/poem]

شاعر الجزاله الشاعر / مبارك بن شريان الشهراني