تبين عيالك يعتمدون علي انفسهم وما يكونون ضعاف شخصي

اذا جاء وقت النوم ....

علميهم انه هالرسوم المتحركه هذي اخر رسوم بيشوفونها
وان كانوا يلعبون حطي المنبه...
وقولي بعد ماتخلص الرسوم...
او اذا دق المنبه...
لازم يسكرون التلفزيون...او يضفون العابهم
ويغسلون ضروسهم وينامون...
وتكلمينهم مباشره انك متاكده انهم ماراح يتاخرون
عن موعد نومهم لانهم شطار وكبار....
وروحي واتركيهم....
لايحسون انك تراقبينهم....
او انك شاكه انهم ما راح ينفذون....




اذا رجعوا من المدرسه....

فالوقت اللي تكونين فالمطبخ...
هم يبدلون بنظام ويصلون...
ويساعدونك بفرش السفره وصف الملاعق
اللبن الماء... اشياء من هالقبيل....
















اذا رفضوا تفريش اسنانهم....

علميه انك ماراح تجبرينه علي غسيل اسنانه
لكن ضروسه بتسوس والسوس يعور....
وريه صور اسنان مسوسه...
ويا اما يقعد بشكله البشع بضروس مسوسه
او يقلعون ضروسه....
او تقعد اسنانه طول اليوم توجعه....
وانك بتجبرينه يروح لدكتور الاسنان...





　
يجب ان يتعلم فالابتدائي...

تعقيم الجروح البسيطه...ووضع نوع من المراهم عليها
بعد ما يستشيرك بنوع المرهم...

هو او هي تحطه علي الجرح مو انتي....




التفريق بين الجرح اللي يتعقم....

والوجع اللي يحتاج مرهم للعضلات....
















　
　
تخلينه يقرأ علي مكان الالم عندك....
ويدعيلك او لبوه او اخوانه جدته جده....
عشان يحس باهميته ...
اساليه اذا كان دعالك بصلاته....
وافرحي اذا قال دعيتلك يمه....
اذا قرأ علي مكان الالم حسسيه ان الوجع خف
لاتكذبين وتقولين راح الوجع....















في بدايه الاسبوع....

إإتمنيه علي سر بسط....

وقولي انت او انتي بنتي الكبيره الحلوه...
اقدر اقولك سر وما تطلعينه....
وكل واحد علميه شي مختلف...
مثلا...
قولي للبنت بنسوي اخر الاسبوع مفاجأه
بسوي انا واياك كيكه حلوه وبنزينها...
لاتعلمين احد لاتخربين المفاجأه....

وقولي للطفل الثاني...

فالعطله بنروح لعمانك او خوالك....
او حديقه ....
واللي ما يحفظ السر...
عاقبيه بانك بتقولين للثاني وهو لا....
وان حفظوه جميعا...

شجعيهم (بكلام).... كلام تشجيعي فقط...
مو هدايا...
انهم عيالك الكبار الحلوين اللي يحفظون السر
وانك دايما بتقولين لهم اسرار....
طبعا هذا يعلمهم انهم يحفظون اسرار بيتك....

وحكمة اول الاسبوع انهم يتعودون يحفظون السر
وقت طويل....

















اذا طلبوا لعبه...

او يبون يروحون للملاهي...

قوليلهم بعطيكم كل اسبوع مبلغ...
واجمعوه واخر الشهر كل واحد يشتري
لعبه علي قد فلوسه اللي جمعها...


















فالمتوسط تعطينها مسؤوليات تناسب سنها....

وتساعدك حتي مع وجود خادمه....

وفي ايام الدراسه...

الحكمه انها تتعود تجمع بين عملين في وقت واحد
من رايي فهالعمر يكون فالبدايه مصروف اسبوعي
بعدين شهري....
ويكون نوع من الاستفسار والمحاسبه بشكل غير مباشر
عن الاشياء اللي صرفت فيها.....

فالعطله تكون مسؤوله عن العشاء....

وكل ما كبرت تعطينها مسؤوليات اكبر....


تطبيق هالامور يكون موزع بين شده ورخي...
مره ومره... مو نظام عسكريه...
لابد من الحزم في مواضع الحزم...
مقنعه في موقف الاقناع....
حنونه مشجعه عن الانجاز....


　
　
تعتقدون بعد هذا كله بيكون للضعف مكان في شخصيتهم


اسال الله ان يصلح بناتي وجميع عيال المسلمين
وان يعظم لنا اجر صبرنا علي تربيتهم وان يجعلهم بارين بنا


تم بحمد الله...