الليـل طــرف .. واقـتـرب وقــت الإذانقـرب طلـوع الصبـح .. والـحـال حـالـه
جتنـي صـلاة الصبـح .. واذانـهـا حــانوانـا مــع الاشـعـار سـالـي .. ودالــه
ابـدا بمبـدأ .. وامسحـه بعـض الاحـيـانواليـا مسحتـه .. جـبـت واحــد بـدالـه
انخـى الهجـوس .. ونـوب ياقـف وينخـانيرغـب قبالـي .. مثـل مـاارغـب قبـالـه
مانمـت لـي يوميـن ضايـق .. وطفـشـانكـنـي غـنـي(ن) فـاقـد(ن) راس مـالـه
هامـور كــان بخـيـر والبـنـك ملـيـانوفـي سـوق الاسهـم ضـاع كامـل حلالـه
وعقـب الغنـى اصبـح فقيـر(ن) وحفـيـانواصبـح علـى الاقصـى والادنيـن عـالـه
وياصاحبـي يالـي مــن الحـبـر ملـيـاناكـتـب قصـيـدة حــزن .. ولا رسـالـه
ابيـك تـروي قـصـة فــلان .. وفــلانتقصـهـا بـابـيـات شـعــر الـجـزالـه
قصـة انسـان .. وفارقـه اطيـب انـسـانومــن فـرقـتـه الله واعـلــم بـحـالـه
حبيـب وابعـد عــن ديــاره والاوطــانهـذا جـنـوب .. وذاك باقـصـى شمـالـه
حاضـر .. ولكـنـه تـحـول خـبـر كــانفـي غيبتـه صـار العـوض فــي خيـالـه
مابينـهـم حـالــت قـوانـيـن بـلــدانوالديـن .. وسلـوم الـعـرب .. والسـلالـه
اقفـى .. وخلـى لـه ثـلاث مـن الاحـزانالضيـق لـه .. والهـم لـه .. والبكـاء لـه
خـلاه فـي غربـة زمـن عـبـر الازمــانيكـمـل طريـقـه فــي حيـاتـه الحـالـه
غصـب(ن) عليـه يكمـل الـدرب منـهـانويرضـى الـزمـان بميلـتـه .. واعتـدالـه
ومـن بعدهـا جـو الزمـن صــار دخــانواليـوم الاسـود صــار يــوم احتفـالـه
ويصبـح حزيـن .. ويمسـي الليـل زعـلانوكثـرت هواجيـسـه .. وكـثـر انشغـالـه
والضحـك مابـه ضحـك .. والدمـع مجـانوصـار يتحـمـل شــي فــوق احتمـالـه
وحال(ن) تعيس .. وحزن .. واهات .. واشجانوراي(ن) عمى .. وقلـة سنـع .. وانعزالـه
هـو هكـذا العاشـق اليـا صــار ولـهـانفالـه .. عسـى مـافـال الاجــواد فـالـه
قصـه وانـا صورتـهـا حـسـب الامـكـانعلـى شكـل تقـريـر .. مــدري مقـالـه
وزبنتـهـا وانــا لـهـا خـيـر مـزبـانوقمـت اتصـيـد شــردي مــن خـلالـه
وقصـدي ابيـن شــي واحــد يـالاخـوانان الـهـوى مفـتـاح غــي .. وظـلالـه
والشعـر .. كنـه مـس مـن عالـم الجـانيسيطـر .. ويعـلـن بالشـعـور احتـلالـه
والشعـر للشاعـر .. سعـاده .. وسـلـوانوهمـزة وصـل بيـن .. العقـل .. والجهالـه
وللشعـر تركيبـه .. ومـبـدأ .. ومـيـزانومعنى .. واصـول .. ومفـردات .. ودلالـه
ويـاالله بحسـن ختـام .. مـع قـوة ايمـاناخيـر مـن بـاب القصـيـد .. ومجـالـه !
وسلاااااااااااااااااااامتكم جميعاااااااااااااااااااا
سلمت ودمت للشعر ومحبينه
حاولت وحاولت الاختيار ووجدت نفسي بأختيارها كامله
صح السانك ولاهو غريب عليك الابداع ياشاعر الابداع عبدالله المظهور
تقبلني من المعجبين في ماتكتب والمتابعين لك دائما
محبك الدربيل
حاصل على ترخيص من وزارة الثقافه والاعلام السعودي
رد: احوال .. العاشقين !!!
العرض الشجري