السلام عليكم ورحمة الله وبركاته
اخواني
هذه محاوره الشاعر عبدالله الاشرم الرشيدي
والشاعر محمد بن حوقان المالكي لليلة السبت 19/2/1439
على موقع النخبه المثقفين
الاشرم
سلام تسليم الرسول اللي ماجاء بعده رسول
الله ومصلي على صفوة قريـش الهاشمـي
نبغى ولد راع الشداد اللي على ظهر الذلول
لاهو بلا عتيبي ولا عبسي ولاهو بسلمـي
بن حوقان
يا مرحبا ترحيبة الاسلام واصحاب العقول
اللي لهم تاريخ في بدع النشيد الملحمـي
اللي بغيته جاك يا العبسي وقدّر ما تقـول
الباغي اللي ما يشوف الناس شوفه ينعمي
الاشرم
لولا القضايا ماوجد قاضي ولا توجد حلول
مير الجريمه ماتبين الا بوجه المجرمـي
انته ولد حوقان ابن زربان وتقول وتطول
والموت روحه ماتروح الا بروح الادمـي
بن حوقان
لولا القضايا ما تذكرنا الرجاجيل الزحـول
اهل العطا والمدّ الي ثار الرصاص المحتمي
كلُ يشوف انه عقيد القوم فـرّاس الخيـول
والحضرمي لو لبسوه التاج يبقى حضرمـي
الاشرم
ترى الزحول أهل العقيدة والمواقف والفعـول
يومنها دنت طبول الحـرب وأشتـد الرمـي
أحسب حساب اللي يعن الخيل ويصول ويجول
يمكن تنزل محزمك لاقمت أفتـش محزمـي
بن حوقان
اهل العقيدة علموكم كل شـي فـي وصـول
اخذوا مرابط خيل عبس وروحة منهم ضمـي
جاكم حروب اشد من حرب النصارى والمغول
ما سلم منها غير راس الخايـف المستسلمـي
الاشرم
هذا كلام اللي مع الشارع يدقون الطبول
يفكرون أن المعارك شرب مويا زمزمي
عبس العريقة دولتن مايهم فيها ألا مهبول
أجيوشها ماتنكسر وقلوبهـا ماترحمـي
بن حوقان
ونعم في عبس وجعل راسك يا الرشييدي ما يزول
لو ما حكيت الصدق قلنا يا ارض عبـس تكلمـي
تكلمت في عهد بن شـداد مـن بـاب الفضـول
في ملحمة (هل غادر الشعـراء مـن متردمـي
الاشرم
الحب وسوس بالملوك وعذربت فيها الخبول
ولاهو غريب أن ورط العالم بحربن عالمي
أهبل منه شيخن يقود الجيش والمخ مغسول
وانشد بجيله يالبجيلي وانت منهـا تنتمـي
بن حوقان
لو الله الا قمت تهرج هرج ماهو بمعقـول
كلُ يقول ان ولـد حاتـم وجـدي حاتمـي
اللي ما يعرف كيف يخرج لا يفكر بالدخول
احيان ما يجرح مفاصل كفـي الا خاتمـي
حاصل على ترخيص من وزارة الثقافه والاعلام السعودي
محاورة بن حوقان والاشرم
العرض العادي
