فيه شعار

لاتزعل علينا وانت رجال يفرحنا رضاه = وتطمع ببنت الناس والبنت مع رجالها

مغطي على الاجواد سورن ولاادري وش وراه = يجوز الطيور تبيض فيه وتعرف اشكالها

اقول احمد الله كل بير ن كشفنا عن غطاه = مانطلب نسب من ناس شحت على فنجالها

انا صقر ماتشبه وصوفه تواصيف القطاه = ياراع المنيحه طيع شوري وشوف بدالها

عسى الله يبارك في صقر دور العلم ولقاه = وهذي حقيقه كل مهره لها خيالها

ياصقر انتبه لاطرت لاتصدم جبال السراه = ورف الجناح بديرتن ماتخلص سهالها

تشرفت باللعب معك ياصقر وتصبح على خير

صحيح الكلام اللي تقوله وخذ مني وصاه = ماتبرلك بيوت المعرفه ولاتبرالها


وانت من اهل الخير يالواصل

وقف يالحبيب مايصير تختم انت لا وبيت مثل هذا وبعدين الختام عندي وانتهت الملعبه

اسمع اسمع


لو ان المعرفه بيت منت متذري في ذراه = وكبدك بلاها يالمطيري بوسط طحالها

ماثمن وسيع المعرفه والوفا راع الشياه = يسرح شياهه يمة الذيب مايبرالها

انت قلت تصبح على خير ومن حقي ارد وبيوتك يومني طلعت وانت تنزلهن المفروض يحذفن وانا اوجه النداء للمشرفين يحذفونهن

اقول اللي يحذف بيوتي والله لاحذف عيونه بلا مشرف بلاهم تبى ترد رد وانا معك الى صلاة الجمعه غير لاتذينا

اسمع وانا مارد على العلوم الناقصه العلم عند المشرفين يتصرفون معك وتكفيك ابياتي ومع السلامه


يقوله ولاباقي ضروس ن تعاين في جماه = وخيمته لاجاها هبوب ن يذعذع شالها

انا اعرفك انك ذيب ينبح ولانسمع عواه = مامشط مع كرام اللحا لحيته وسبالها

وانا اقول هالبيتين نهاية الطاروق ورح دور المشرفين

ليا صار واصل كيف بعد الوصل نبحث نخفاه = سلاله عريقه مختلط عمها مع خالها

هذا وصفه اللي غيره عقب جانا من رداه = عسى ديرة ابن سعود مايكثرون انذالها