السلام عليكم ورحمة الله وبركاته
قصيدة مساعد الرشيدي بحفل منظمة عبس
فوضته أمري وإرتضيت أمره وهايضت وهتفت=الله ولي أمـري ولا غيـر الله الوالـي ولـي
سبحان من تقوا عزومي فيه لامنـي ضعفـت=وأنـا وربـي ماضعفـت إلا لجبـارن عـلـي
روضت نفسي للخيار الصعب لين إنـي ولفـت=والموت يقفي بي لعثراتـي وعثـرات زملـي
ماني مضريها على الهيبـات لا منـي وقفـت=ولاني مجنبها عن المشراف والمخـرج ملـي
نثر سحابك شرق يابرقن على الخفجي رعفـت=إليا إرتوت منك الكويت ونجد فأنـت مجملـي
وعلى لحونك ياصدوق الوسم غنيت وصرفـت=نفايس الدر الثميـن مـن الجواهـر والحلـي
سندت لعلو الخيـال ودسـت بحمـاه وقطفـت=من كل شمس وكل نجم وكـل وضاحـن جلـي
رشفت شعري من زهر نحت من صخر وغرفت=مـن مـاردن جـم فراتـن ماتغثربـه الدلـي
أفردت للشعر الجحا وسبوق لين إنـي ولفـت=وحشة مصافقت الهبوب براس رجمن معتلـي
قد قال أبوي اللي على دربه مشيت ولا أنحرفت=كن أولا وإترك مكـان اللـي يلـي للـي يلـي
على مهب العز في حضرت بني عمـي هتفـت=والدم بعروفـي يفـوح مـن الحميـا ويغلـي
أنا رشيدي لا أعتزوبي عبس شرفت وشرفـت=لعيـون بنـت الطيبيـن أم الثمـان الذبـلـي
ليا إعتزوبي والمواكر عبس خايلت وعسفـت=جلمود صخرن حطه السيل على أمرن من علي
وأنا سعودي والسعوديه هي أغلا من عرفـت=إن القبيلـه والحمولـه إلحواتـي مـن هلـي
هي مفخرة سرج الزمان أقسمت بالله وحلفـت=ماطـال حلياهـا وعلياهـا وزيـن ولا حلـي
على لحونك ياصدوق الوسم خايلـت وهتفـت=الله ولي أمـري ولا غيـر الله الوالـي ولـي
******** type="text/**********">doPoem(0)***********
منقول
منتديات بني رشيد
خالد الذيابي
حاصل على ترخيص من وزارة الثقافه والاعلام السعودي
قصيدة مساعد الرشيدي بحفل منظمة عبس
العرض العادي
