ومحشمك عندي واداريك بالحيل....ومن كثر ما احبك امسميك مناع...

يا طير أنا شاريك في ظهرة اسهيل =قدام مزن الوسم ينشي وينداع
بأول عبور مسابقات الهماليل =اللي لهن في ذرة القفر مرتاع
واليوم تلقيح الغروس المظاليل =راح الهدد والقيظ بانت له أنواع
عشرتك زلت يا عريض السراويل =ما عاد لك بالسوق شاري وبياع
جبتك وحش طرح الشبك والمحابيل =وبالخيط علّمتك على حسن الأطباع
ومحشّمك عندي واداريك بالحيل =ومن كثر ما أحبك امسمّيك مناع
دوّرت لك صيد الخلا بالمهاميل =مع كل فج ولا توفقت مطلاع
رحنا وجينا مع رجال مشاكيل =وشفنا سهل وبحار ورجوم وتلاع
والله ما عينت فيهن محاصيل =إلا الكثير من التعب واشهب القاع
وأنا أرجي الله بالليالي المقابيل =يجيلنا دورك على خير وسناع
دور تجي فيه الحوايم زعاجيل =تشوف عينتهن يمرنّك اتباع
وسهيل يطلع عقب هود من الليل =يوضي شعاعه مع سنا الصبح لمّاع
بوقت هواه ينشط الجسم والحيل =امنين ما هب الهوا جاك ذعذاع
وجتنا تزبّر من صدوق المخاييل=بوسم بكور وبارقه له تشعشاع
أمطر وديّم وأوله كثّر السيل =وتتابعت مع ساقته هدب الارجاع
وزاف الربيع ونبت عشب الدهاكيل =والحزم جا لقليقلانه تمرياع
عشب مخلط فيه نوار وكحيل =أمهضب كنه بساتين زراع
وزان القنص واتزهبوا يا رجاجيل =بالطير والموتر وزينات الاوقاع
وتمت بذكر منزل الحق تنزيل =اللي شفى لأيوب من كل الأوجاع

******** type="text/**********">doPoem(0)***********

	الشاعر: سمير بن صليهم

الله يرحم الشاعرسمير ويعطيك العافيه على حسن الاختيار --- واذا كان الشاعر الله يرحمه يواجه مشاكل في المقناص من قلة الصيد في وقتة فكيف هو الوضع معنا حنا يا صقاقير هذا الوقت ما اقول الا الله يكون في العون

الله يرحم الشاعرسمير ويعطيك العافيه على حسن الاختيار

صح لسانك وبيض الله وجهك على النقل :::

صح السان شاعرها والله يرحمه تصوير رائع

جزاك الله خير على جهودك الواضحه لاعدمناك

والف شكر لك على هذا الاختيار الموفق

المشاركة الأصلية كتبت بواسطة ابوعبدالمجيد1

الله يرحم الشاعرسمير ويعطيك العافيه على حسن الاختيار --- واذا كان الشاعر الله يرحمه يواجه مشاكل في المقناص من قلة الصيد في وقتة فكيف هو الوضع معنا حنا يا صقاقير هذا الوقت ما اقول الا الله يكون في العون

مشكور اخي ابو عبدالمجيد على المرور

المشاركة الأصلية كتبت بواسطة خالد البغيلي

الله يرحم الشاعرسمير ويعطيك العافيه على حسن الاختيار

مشكور على المرور

المشاركة الأصلية كتبت بواسطة سعودالبراك

صح لسانك وبيض الله وجهك على النقل :::

بيض الله وجهك اخي سعود

المشاركة الأصلية كتبت بواسطة غازي البراك

صح السان شاعرها والله يرحمه تصوير رائع

جزاك الله خير على جهودك الواضحه لاعدمناك

والف شكر لك على هذا الاختيار الموفق

مشكور على المرور وجزاك الله خير

صح لسان قايلها وسلمت يد ناقلها