اخواني وخواتي في موقع الجميع اسعد الله اوقاتكم بكل خير,,,اهديكم هذه القصيده المتواضعه علها تحوز ولو على القليل من رضاكم,,
الا و تـل قلبـي تلـت اللـي تلهـا الطـيـار=من المدرج رفعها لين صـارت كنهـا الكـورة
هجم فيها الشجاع اللـي تزهـل بتخـاذ الثـار=هذاك اللي يقولـون انـه ابـو كبـد ممـرورة
حمولتها قنابـل والهـدف قدمـه وقـود ونـار=وسريا جيش دوله في نظام الحـرب مشهـورة
قذايـف قاذفاتـه تنطلـق بالرسـم والاقـمـار=إذا شذت قذيفـة عـن هدفهـا غيـر معـذورة
بعد ما شفت بيتٍ بانت اسـرارة مـن الاسـوار=معاد اسرار هـذا البيـت بالاسـوار مستـورة
وقفت بمدخلة وانا مـا بيـن الحـزن والتذكـار=وصورة كل ما راحت تجي من بعدهـا صـورة
ذكرت الشايبين اللي لهم فـي خاطـري مقـدار=يوم اني شفت صالة مجلس الشيبـان مهجـورة
وذكرت اصغرنا اللي هذي الساعة ماهم بصغار=بوقتٍ فات وسـط البيـت هـم وردة وديكـورة
الا يالله يـا منجـي نبيـة يـوم هـو بالـغـار=وعلى صدرة منزل مائة واربع طعـش سـورة
وامرته يتجة صوب المدينـة ديـرة الانصـار=على الي يوم ناخـت قـال بامـر الله مامـورة
تنزل صاحبـي البيـت هـذا منـزل الابـرار=وعسى سيئاتهـم يـا والـي الاقـدار مغفـورة
الا يا بيت وش عذري منك هذي هـي الاقـدار=تدور ادوار والانسان صعـب يوقـف الـدورة
لكن ارجوا السموحة واعتبرنـي زايـرٍ مـرار=يزور وكـل مـا زارك زيـارة ضايـقٍ زورة
يحبك حب صادق وانت من طين وخشب وحجار=محبة صافية فـي كبـد كبـد الكبـد مسمـورة
الا يا راكب اللي مـا يهمـة نـازح المشـوار=اليا منه مشى يثلـج فـؤاد اللـي بـه حـرورة
يشوق خاطرك بالقار وان ميـل وكـب القـار=واذا نظرت شكلة وان سمعت لصوت ماطـورة
صناعة عبقري مـا يفهمـون افكـارة الشطـار=عصارة فكر معصورة ومعصورة ومعصـورة
لا يمكن انك تعذرب به مـن الشنكـار لشنكـار=ولا يمكن تحصل عيب سلك او عيب ماصـورة
بعد مـا صممـة اطلـق عليـه الاسـم vxr=وله شكرٍ جزيـل وشركـة الvxr مشكـورة
لحيث انه يدوج فـي مراتـع حسٌـك الاوبـار=يـدوج بكـل دار ولا عليـه دروب محظـورة
زمالة من ربيعه وان شراحه شوفة الاقفار=اليامن داج فيها وهي قبل اسبوع ممطوره
وتعلا النايفات الصبح والا العصر بالمنظار=وشاف المنظر اللي فيه عينه دوم مسحوره
فياض(ن) مابعد قلم غصون اشجارها المنشار=وشلالات يسوى شوفها مليون نافور
ولا يازين والله مجلسٍ تذكر به الامطار=يساق البن فيه بدلته والنار مسعوره
على ربعن خيار بكل شئ وكـل وقـت خيـار=من ادناهم يدلون العرب لا شـار فـي شـورة
******** type="text/**********">doPoem(0)***********
محمد سلمان
حاصل على ترخيص من وزارة الثقافه والاعلام السعودي
(بيت الطين)
العرض العادي
