محاوره سعود العجوني والازرق

اقتباس:
المشاركة الأصلية كتبت بواسطة مخاوي الطيب
اقتباس:
المشاركة الأصلية كتبت بواسطة المعتبر

بسم الله الرحمن الرحيم

اليكم هذه المحاوره التي جرت بين الشاعر سعود العجوني وبين الشاعر الازرق

بعد التنسيق

سعود العجوني:

شلة الازرق الليله عليها النقا مردودي == ضاق صدرالحكيم ولا لكم عندنا غفراني

صار حاتم اقراد براس ذيل البعير الجودي == وان بغينا نسوق شعيل عيا رفيع الشاني

الازرق:

هيه يالشله اللى ودها الليله ابمنقودى=ليه صدرك يضيق وعندكم حنطة النجرانى

لاتلفت ترىراسك يجى من ورى عنقودى=مير هات المعانى والمطر ضافىودانى

سعود العجوني:

انت من غابة ذيابه ودايم تحب الزودي == كان قل العشاعليك ماقلتلك سرحاني ==

داعب هجوس شعرك يوم هبت هبوب النودي== والله اني ماجيت الا ارجمك مثل رجم الزاني

الازرق:

انت وش بك مع العربان تمشى تقل محسودى=وش يصيبك بتالى الليل تاكل بعيد ودانى

ليه ياسعود تبغا تضيع الحق وانته فودى =والمعانى تبى تبقى لو تمرهاالازمانى

سعود العجوني:

اتضحلي سماك الصافي الي مافيه ارعودي == رحت فيها يالازرق صرت من حسبت الهطلاني

راحت الاوله والثانيه حدك المحدودي == بس دافع مع اصحابك ولا اقولك غلطاني

الازرق:

انت ماانته خضر يمكن شبيهن للون العودى=مشبهانى عساالله يكفى الشر يالنصراني
راحت الاوله والثانيه ماقربت اجدودى=مير جعل السلامه دربك وتاكل الميزاني

سعود العجوني:

الله اللي حذفك وجيت في يومك الماعودي == وانتهة مرجلتك ومرجلت ربعك الشجعاني

الله انه يبيحك يارفيقة محمد دودي == من كثر مايحط ابطنها بطنها ملياني

: الازرق:

يالشواعير كل البيض مايشبهن السودى=صرت تبكى هواك اللى مضى مابعد بكانى

هيه ياراعى القصه ترى مالقيت الزودى= واللحون القديمه كلها سجنت بزنداني

سعود العجوني:

القراده ماتمرح غير فى شوشة المقرودى == علمونا وش اللى عندكم ياوجيه الظانى

اللغة مشكلة عجزة لافهم كلام هنودى == يبلش السارى اللى لاسرى يقودله عميانى

الازرق:

انت ياراعى اللوحه تبى تعدد المعدودى=ميرقول الحقيقه وترك الزور والبهتانى

كان معك الدلع روحبها واترك المجحودى=تصبح ابخير وانته فارس العمى والصقهانى

سعود العجوني:

مالقى الذيب فى راس الجبل غير ست قرودى == قال مافية مشكل لو غدت بالجبل ورعانى

والله انى محول عنكم اشدادىالمشدودى == لين الازرق يبدل سية السوء باالاحساني

يعطيك العافيه يالمعتبر على التنسيق وجهد تشكر عليه والمحاوره كانت جميله بين الشاعر الكبير سعود العجوني والازرق ولا تحتاج لتحليل من اي شخص لأن المعاني كانت واااضحه وتفوق سعود على الازرق كان واضح وضوح الشمس . ودمتم



الله يعطيك العافيه ياذيب الفيافي علا التنسيق

والتحليل الرائع وكل ناجح محارب