عواكيس
* ألا تتفق معي يامحللنا الكبير يامعوكس أن المعسكرات الخارجية كلام في كلام وانه مع أول هزيمة سيتذرع بعض المدربين والمسؤولين بأن اللياقة ضعيفة، يعني يفضحون أنفسهم دون ما يدرون؟
ناصر الرحيمي – جدة
= لا وكأن المعسكرات بس ركوب السياكل بس.
* صراحة شيء يحز بالخاطر يابو العواكيس أي واحد يدخل الأندية اليوم نلقاه من بكرا يحط رجله وماعاد يرجع لها ثاني مرة وش القصة؟
جمل الخالدي
– الدمام
= القصة إذا ما ضبط يقضب الباب
* العزيز معوكس قبل أربع أيام كنت أتفرج على برنامج رياضي وجلس المذيع يردد أكثر من خمس دقائق: أبواب البرنامج مفتوحة أمام مدربنا علي كميخ إذا كان يبي يتداخل علمنا وش القصة؟
حمدان الناصر- الجوف
= ما بقي إلا يردد أغنية كل الأماكن مشتاقة لكميخ
* المغرور معوكس ليش يوم الاثنين الماضي اضرب عليك منبه السيارة وأبيك تلتفت وأنت حطيت رجلك ومتلطم كأنك منحاش ولا تبي (ساهر) يصورون وجهك، حشا صرت جمس مأنت ابو العواكيس؟
نايف الخويرصي – تبوك
= وليش ما تثقل إذا شفت المشهورين!
* ياخوف قلبي أن ملف مدرب الهلال القادم عندك وانك تماطل بالإعلان عنه عشان تستلم عمولة السمسرة؟
فهد الناشري- القنفذة
= ما صار ملف عادي صار ملف أبو علاق!
* أحذرك يامعوكس من المساس بنادينا والتعرض الى مدربه أو نقد إدارته، ترى الأخلاق بايزة، كل موسم وحنا حالتنا حالة وآخرته تجي أنت وخشتك تتريق علينا، من زين نتائج ناديك؟
عادل الرويلي – عرعر
= من قدكم 25 هدف في ثلاث مباريات
* الاستاذ معوكس من برأيك أحسن، ألمانيا والا البرتغال وإلا النمسا، صراحة نويت الختة، حر الرياض خلاني مظبي ماني قادر اتحمل؟
ثامر العوض-الرياض
= بعض الناس خلاهم الحر رووس ومقادم
* أخ معوكس : برأيك لماذا استعان نادي النصر بمحمد الشهراني رغم أنهم تخلوا عنه في الموسم السابق؟
سفير الحلة – الخبراء
= خايفين من هبقات راؤول
* أستاذ معكوس ما رأيك في اللاعب إياه الذي يقلد ياسر القحطاني في كل شي حتى في الصلعة.
عبدالله القحطاني- بيشة.
- باقي يرطن انجليزي ويصير سوا سوا
* اللماح معوكس ماذا تتوقع لمانويل جوزيه وهل سيكون له مستقبل مع (العميد) ام يرجع للشبونة على اول رحلة بعد بداية الموسم؟
انور باشافع - جدة
= إذا ما ضبط مع نور بيرجع لأنجولا وهو ما يشوف الدرب
* عزيزي معوكس احترت انا وصديقي صحن ماندري وين نصيف هالسنة أتوقع تبي تنصحنا بايطاليا؟
أخوك المشجع النصراوي الوفي
لافي صالح
= يا ابو الشباب قضى الصيف رمضان قريب ويمدحون السياحة المحلية
* الهامور معوكس صباحك ورد عندي اقتراح انك تكرم عملاءك الدائمين أنا وبندر العصاي ومتعب الصويان حيث أننا من كبار العملاء المتواصلين مع زاويتك الموقره وأمضينا أكثر من خمسة وعشرين عاما تحياتي عكوسي؟
عبدالله العبيوي
-حي المصيف
= انتم تحلمون... ما قدمتم حتى 25 في المائة من مستواكم معي
* سمعت يامعوكس انك متورط في أحد المساهمات وانك ناوي على النحشة الى جهة غير معلومة لذلك أنصحك أن تروح للخارج وان تغير اللوك حقك وتلبس قبعة وكرافتة وتحلق على الزيرو وتحفظ لك كذا كلمة انجليزي وتخلي الأندية تفاوضك عشان تدربها، شرط يقوم سوقك ويمكن تجي مكان غيرتس؟
فالح المرشد – الزلفي
= من قد غيريتس مدرب ورئيس ومدير أعمال وبتاع كله وأنا ما عندي إلا راتب الشهر وتخلصه فواتير الجوالات.
* الى الصديق معوكس، الا تستحق مع صياد و(قول على قول) لقب (الثلاثي المرح)؟
فرح الجميشي – ابها
= بقيادة صوير وعوير.
*ما قلت لنا يامعوكس وش تتوقع للأهلي بعد رحيل فارياس وهل سيقوم عز مالك معاذ والراهب؟
علي النمري-الطائف
= الأهلي هالايام يخوفون صاروا مثل بعض الناس ما احد يتكلم إلا يصكونه ببيان إلا اللي قال سأدمر الأهلي تركوه ما قالوا له شيء.
* الأخ معوكس وين رايح تقضي إجازة الصيف، انتبه لاتجيك الأنفلونزا خصوصا اذا نويت على جبال الألب؟
سعود الشريهي-حائل
= انفلونزا بالصيف والله من زين الثقافة... وبعدين صدق الشاعر اللي قال "الألب يعشق كل جميل.
• إلى فاكهة الأسبوع معوكس المحترم
تحية طيبة وبعد:
لو تكرمت تخبرنا بحقيقة مدرب الهلال غريتس وهل سيرحل أم سيبقى مدرباً للزعيم فهو أفضل مدرب ولا يمكن أن اشاهد الهلال بدونه؟
حمد الدوسري- ابو مبارك
العزيزية- الرياض
= إلا بيرحل للمغرب ما ودك يأخذك معه لكازا يا مجنون جيريتس.
• الأستاذ معوكس المحترم
تحياتي لكم وبعد:
ماذا تتوقع للنصر في الدوري الجديد وهل تعتقد بأن صفوفه اكتملت؟
عبدالملك المرشد
الرياض- عرقة
= لا يفكرون بجيرانهم والفوز قريب.
حاصل على ترخيص من وزارة الثقافه والاعلام السعودي
رد: اخبار نادي القرن ليوم الجمعه 11/ 8 /1431هـ من الصحف
العرض الشجري