عـذب القـصيد _ قصآئد مختاره _ ابيات رائعه _متجدد

يطوّل صمتي بقلبي يعاندنـي غـرور إنسـان
تندمت إني أخفيته هوى قلبك نظـر عينـي

أنا أحبك أنا أعزك أنا يا شوقـي الغلطـان
كتمت الحب وضايقتك وهـذي غلطـة سنينـي

رميت اسمك و أنا ما أنكر رميته داخل الوجدان
أنا ما أجحد أبد حبٍ طـرد هـم ٍ لجـا فينـي

أنا كذبي ما هو غلطة أنا خوفي مـن النكـران
أخـاف بيـوم تجحدنـي وتطعنـي بسكينـي

آصف غيرك غصب عني لجل حبي أبد ما يبان
أحاول أخفـي أشواقـي ولـو إنهـا تعادينـي

طلبتك لا تبرهن لي بأساليبي بكان و كـان
لو أنـك شفتهـا بعينـك طلبتـك لا تجافينـي

أنا بعتـك علـى قلـب ٍ شـراك بغالـي الأثمـان
وصكوك الحب تثبـت لـك بأنـك دوم تعنينـي

بظلمي لا تلـوم الوقـت إذا جازيتـك بنكـران
سبب هجري على شانك لجل مفقـدك بيدينـي

أشوف الناس وأتناساك غصب ٍ لو أنا ولهـان
وأحاول أكتم العبـرة ويفضحنـي دمـع عينـي

إذا قلبك غرق بالحب أنا قلبـي منـه غرقـان
متى يرسي على شطك متى بالله وتصافيني

وإذا كرهي علاجك يا هلا به لو بـلا إستئـذان
وإذا يشفي لك جروحك طلبتك تكفى جافينـي

أشوفك غير كل الكون ما مثلـك أبـد إنسـان
حسافة قلبـك الطيـب وضيعتـه مـن يدينـي