عـذب القـصيد _ قصآئد مختاره _ ابيات رائعه _متجدد

حزن لو تدري وش الحآل لا دمت
لآ زآد حزني والردي زآد شمته




اصمت على جورك ويوجعني الصمت
والدمع يفضح علمي اللي كتمته ..!




هذآك يفرح لآ لمحني تألـمت
لآ شآف ضعفي يعتبرني خدمته




وهذآك يفرح بي ليآ طحت ما قمت
ويقول وين البآس يـ اللي زعمته




وانا من ظروف الليآلي تعلمت
ان الصبر عهدٍ عليّ والتزمته




مرآت اقول اني صبرت وتأقلمت
ومرآت اقول الصبْر فيني عدمته




لا مرني طيفك وانا ما تولمت
اقول ابصبر وان تعدّآ زهمته




كيف الصبر وانت الحكي لا تكلمت
وانت السوآلف في قصيدٍ ظمته




وانت السهر لا مرني الليل ما نمت
اشكي عليك الجرح يـ اللي ختمته




مآ عآد فيني لـ الموآصل تحطمت
لا صرت تهدم حلمي اللي حلمته




كم لي وانا ارجي شيمتك لو تكرمت
ارفق على اللي في غرآمك ظلمته




ما فآدني دمعي وانا اللي تظلمت
وتردّ دمعٍ يشتكي لك و لمــته




ليتك تحس بـ نآر جوفي ليآ لمت
وليتك تشووف الحآل يوم اتهمته




شفني من تراب الموآجع تيممت
ي حلمي اللي فـ المحبه رسمته




شفني طريح الهم ليتك تغآنمت
احسآسي اللي فـ المودّه غنمـتـه




خليتني قصة هل الهرج والشمت
وانت الوحيد اللي من النآس همته




آخركلآمي لا قضى العطف واعدمت
قلبٍ من اسبآب التغلي ظلـمته




اما تجي وتبدّل الضيق والصمت
ولا بـ اودع حلمي اللي حلمته




وانا من ظروف الليآلي تعلمت
ان الصبر عهدٍ علي والتزمته..!