بعض البشر لامن حشمته طمع فيـك
وبعض البشر لامـن جفيتـه يـودك
وبعض البشر يتعب على شان يرضيك
وأغلـى مـن اخوانـه بقلبـه يعـدك
ويا صاحبي هالحين بانـت خوافيـك
علقتنـي مابيـن مزحـك وجــدك
وش جاك مني ياعشيري وانا اخيـك
قبل امس انا صاحبك واليـوم نـدك
لاضاق صدري من عنا وقتنا اجيـك
واشوف دمعات الغـلا فـوق خـدك
والحين تظلمنـي وانـا منـك وفيـك
بكل إحترام اقول يـا خـوي حـدك
ثمن كلامـك يـا عسـى الله يهديـك
لاصار ماي الوجـه يعجـز يـردك
ثـوب الـردى ياصاحبـي مايقديـك
الثـوب لا ثوبـك ولا القـد قــدك
انـا اول انسـان اذا ضقـت بجيـك
حتى ولا اذكر يـوم وقفـت ضـدك
ماتذكر اني بالوفـا كنـت اجازيـك
وانتـه تجازينـي بظلمـك وصـدك
لكـن خـلاص اليـوم والله مابيـك
النفـس طابـت سـو ماهـو بـودك
الطعنه اللي مـن ورى الظهرتنهيـك
وشلون لاجاتـك مـن اللـي يـودك
لا واهني يـوم انـا امـوت بيديـك
ذابـح وتبكـي مـن ذبحتـه بيـدك
حاصل على ترخيص من وزارة الثقافه والاعلام السعودي
رد: وش البيت الي تردده لاضاق صدرك؟؟
العرض الشجري