أكتب أجمل بيت سمعته في حياتك

[poem=font="simplified arabic,4,white,bold,normal" bkcolor="transparent" bkimage="backgrounds/21.gif" border="groove,6,crimson" type=2 line=0 align=center use=sp num="0,black""]
يامـا ويامـا علشـانـك تعنيـنـا=طول المسافات لعيونـك طويناهـا
وياما وياما ببعض النـاس ضحينـا=من شان نجلس معك ساعه خسرناها
وياما من أغلى القصايد فيك سوينـا=لو ما أنت غالي سكتنـا ماكتبناهـا
وياكثر ناس(ن) لاجل خاطرك عزينا=ماتنهضم بـس لعيونـك هضمناهـا
تامر وتنهـا علـى كيفـك تمشينـا=حتى البشر لو تبي نخدم خدمناهـا
واليـوم والله تـرا ماعـاد تعنينـا=وايامنا اللي على خبـرك نسيناهـا
مللتنـا بالمحـبـه لـيـن مليـنـا=واوراقك اللـي كتبناهـا مسحناهـا
فـي حبنـا ياصغيّـر ماتساويـنـا=حبك وعشرتـك بالاقـدام دسناهـا
حنا على العـز والطولـه تربينـا=لوتقفـي النـاس عنـا ماطردناهـا
[/poem]