اقدم لكم هذه القصيده التي اتمنى ان تحوز على رضاكم وتنال اعجابكم
سلام ياهل العرف والمعنى فتح باب السلام = منه المشاعر حايره تكتب سطر تمسح سطر
حطيتها من عز راسي للثريا والغمام = حتى سرى فيها الغرور ولامست سطح القمر
ماردها دون القمر كثر الحسد والا الملام = اللي ليا من صاب سهمه كسر ضلوع الصدر
الله ولاعد الروى اللي ماتجيه الا الهيام = لوماه مايقطع ضما اللي يارده مدة شهر
والشعب من زود الضما والجوع لايمكن تنام = ماباقي ن باتلى الزمان الاتموت من القهر
ودي اسولف بالقضيه والبلا كثر الكلام = يمكن يسبب زعزعه واخذ من اسبابه حضر
وااللي يصافحني بكفه له معزه واحترام = واللي قطع حبل العلاقه وسط قلبي له قدر
ولاصارت الدعوه خوال وصارت الدعوه عمام = لابد ماادمح زلت المخطي ولاادور عذر
اقولها عز وفخر يوم الكرم طبع الكرام = ولان الرجال اهل الوفا ميرادهم عز وفخر
******** type="text/**********">doPoem(0)***********
اخوكم : طارق بن نايف البراك الرشيدي