[poem=font="simplified arabic,5,blue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
البارحه بين المجاديف خايف=واصارع الأمواج صبح وعشية
واليوم ياجرح القلوب الولايف=تبكيني الدنيا بصوت المنية
لاحول لاقوّة على فراق نايف=نسل الكرام اهل الوفا والحمية
بالوصف ماله فالأوادم وصايف=طلق المحيا بو عزومٍ قوية
النادر اللي فوق روس النوايف=الطيّب وطيبه طبوع وسجيّة
يابن دليم أبكيت قوم وطوايف=واغرقت عيني فالدموع الندية
ياقلب لاتحزن وتبدى الحسايف=وتجرّ موّال الجروح الخفيّة
وياقدرةالخالق على كل عايف=الموت ماله عزوة ومرحميّة
يارب ياللي في يديك النصايف=ارحم عبادك ياجزيل العطية
واحسن عزاهم وانت يارب شايف=والهمهم الصبر العشاوالغدية
ويارب عفوك يوم نشر الصحايف=يوم الخوي ينسى بوادر خويه
ويارب تسكن جنتك وجه نايف=وتغفر لعبدك كل ذنب وخطية
[/poem]
حاصل على ترخيص من وزارة الثقافه والاعلام السعودي
مرثية بالصديق العزيز نايف بن دليم البراك رحمة الله
العرض العادي
