بسم الله الرحمن الرحيم
انقل اليكم هذة القصيدة الرائعة للشاعر الكبير محمد بن عليان القلادي الرشيدي من بريدة عنوانها الحنين الى البادية ولكي تحفظ له باسمه وهويقول فيها
[poem=font="simplified arabic,4,black,bold,normal" bkcolor="black" bkimage="backgrounds/1.gif" border="inset,4,darkred" type=0 line=0 align=center use=ex num="0,black""]
يانجـد ويـن البـدو هـم وينهـم فـيـه=ارضـك خـلا ماشـوف للبـدو شوفـه
مرحانهـم ماغيـر تسـفـي سوافـيـه=وفوقـة زبــار الـعـج بــان رفـوفـه
الـلــة واكـبـركـل مـحــل طـاريــه=وين النزول اللـي مـن اول تشوفـه
ماتقـل عاشـوا بـه ولا دوجـوا فـيـة=اهـل البيـوت اللـي تكـرم ضيـوفـه
هــذي منازلـهـم وهــذي مفـالـيـه=مـخـل جـنـابـة والهـبـايـب تـلـوفـة
واقفـوا ولاتلقـى بهـا مـن تحاكـيـه=حـتـى الاثــار مقـلـبـة ومـحـذوفـه
واجاهـد العبـرات والنفـس اهـاديـه=والدار مالـي عقـب اهلهـا حسوفـه
وقلبـي يحـب البـر وافخـر بماضيـه=وعنهـا الدهـر يالله تجلـى كسـوفـه
تكسي عرى دار من الوقـت قاصيـه=مـن نـوى سحـب شامخـات قنـوفـه
وتروي رغاب الارض ويسيـل واديـه=وتحيي الهشيم اللـي بـوال لجوفـه
والعشب عقـب ايـام تشبـع رواعيـه=وترعـى الهزيلـة ليـن تكبـر دفوفـه
وتلقى الزبيـدى طالـع مـن مخابيـه=ولاجـاه مـن لفـح الـذواري حفوفـه
والوبـل يمطـر كــل يــوم يساقـيـه=وتلبسـت حسـن الجـمـال الهنـوفـه
شعبانهـا تمـشـي وتلـطـم خبـاريـه=عقـب السنيـن الماضيـة والكلـوفـه
والله يميـت الارض وليـا راد يحـيـه=العفـو عـفـو الله والـخـوف خـوفـه
متى تتـوب الخلـق وتتـرك معاصيـه=وشر المعاصـي والذنـوب معروفـه
دنيـا بتالـي الوقـت كـثـرت بـلاويـه=تـاكـل ملايـيـن البـشـر ومهـروفـه
تجـيـة بغـتـة مــا تـعـلـم بـطـاريـه=هـــذا مصبـحـتـة وهـــذا تـحـوفـه
وكم غاليـا منهـا فقـد شـوف غاليـه=حل الفـراق ولا سـال عـن ظروفـه
ولو صاح باعلى الصوت ماظن يوحيه=الا بـيـوم البـعـث يمـكـن يـشـوفـه
وكم طورت من جيل وهـدت مبانيـه=لـو امهلـت مـا فـيـه حــي تطـوفـه
وتمـت بذكـر اللـي نخافـه ونرجـيـه=مسـخـر الاقــلام تـكـتـب حـروفــه
الشاعر محمد عليان الرشيدي
[/poem]
حاصل على ترخيص من وزارة الثقافه والاعلام السعودي
الحنين للباديه للشاعر محمد عليان الرشيدي
العرض العادي
