الله يهونها على العود ..

المشاركة الأصلية كتبت بواسطة المر العذب

فقط أقرأو بتمعن...


[poem=font="simplified arabic,5,white,bold,normal" bkcolor="blue" bkimage="" border="none,4,gray" type=1 line=0 align=center use=ex num="0,black""]
يابيت يابيـت الكـرم والمواجيـب=للحين شامخ بين طـول العمـارات
تدري وشالي مبعدن عنـك العيـب=والي رفع قدرك بجنب الطويـلات
راعيك باني طوفتك طيب من طيب=والساس من عز ومهابه ومـروات
ديوانك مشـرع لعكـف الاشانيـب=مدهلـك ياقاطـع ديـارن بعيـدات
اليا لفاه الضيـف يبشـر بترحيـب=جته السمينه مـن يدينـن كريمـات
عند الجماعـه افتخـر والاجانيـب=اني ربيت في بيت راع الصعيبـات
حلال عسرات الامـور النواشيـب=ماكنهـا عنـده نشيبـه وعسـرات
الله يهونها علـى العـود ويطيـب=ويغفر له الله ويرحمه بكل مافـات
يابوي لافترت عضامك من الشيـب=اخذ من عضامي اعضامن بديـلات
يوم انها حر وشمـوس ولواهيـب=يصير ظلك فوق راسـي مظـلات
ويوم انها بـردن يسـل العراقيـب=دفاني بشتك واحتضني من الـذات
تعطي ولا ترجي وراها مكاسيـب=الا من الله رب عرش السمـاوات
يمناك لامـدت تمـد مدهـا غيـب=كنك تقول الطيب يانـاس بسكـات
علمتنـي ان الكـرم والعـذاريـب=ماتجتمع لو يرجع الحـي لا مـات
وانا ولدك اللي قضبت المقاضيـب=في طاعتك ملزوم في كل الاوقـات
دامك بوسط البيت تامر وانا اجيـب=ماعذربت بيتك طـوال العمـارات
صوتك وصوت امي كبار المكاسيب=لا يابعد صوتي وبعد كل الاصوات[/poem]

ثامر شبيب

---------------------------------------ا
اخي الطيب العذب قرأت بتمعن كما طلبت فهل تعفيني من فقط حتى اتمكن من ابداء الراي -- في انتظار ردكم الكريم -- حفظكم الله

المشاركة الأصلية كتبت بواسطة ابوعبدالمجيد1

---------------------------------------ا
اخي الطيب العذب قرأت بتمعن كما طلبت فهل تعفيني من فقط حتى اتمكن من ابداء الراي -- في انتظار ردكم الكريم -- حفظكم الله

أبو عبدالمجيد ..

ثق ثقة تامة أن أي مشاركة لي أجعلك نصب عيني..

ومرورك يهمني..

ورأيك يهمني..

بإختصار أنت تهمني جدا..

وتعني لي الشئ الكثير..

بإنتظارك..