من هو المهترش

المشاركة الأصلية كتبت بواسطة المهترش

الاخ عمدة الشعار
ابو تركي المحترم وبعد
انت شاعر لايختلف عليك اثنين وحنا من الي يستفدون من شعرك
ولكن الظاهر انك مغشوش بهاليماني الي كل مالقاله ساحه مافيها احد ارثع فيها
لكن تكفا يابو تركي لا يغشك مثل ماغش له شاعر رشيدي
واسمع وش قال له



[poem=font="simplified arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
اثرك يالزيدي ذهب مـدري بلاتيـن =بس الوكاد انك كثير القـدر غالـي
عليك من سلك الوفا مشلح وثوووبين= نتنحاك لهل الطيب بقلووووب الرجالي
ويفهق لك المركا علي ماقيل متريـن =والا تقلط عند ابووو زيـد الهلالـي
تستاهل التقدير والنوووماس عاميـن= والطيب والفنجال من صفر الدلالـي
واليا قظن يابووو يمن عنك السنتين =يمكن نجدد لك بعـد قطعـة ليالـي
لانك ذهب يابووو يمن مدري بلاتين =اقووولها حووولين لا جاها مجالـي [/poem]


وبعد ثلاث ايام

[poem=font="simplified arabic,6,red,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]

ياليماني مدحتك يالله ... عطني فلوووسـي=قووم هالحين دنـدن هـن مابيلـك تفاهـم
لك نهارين تنصب فوووق حمر الجموووسي=والاسد كل يوووم الصبـح للبنـك جاهـم
قلت لي بعد يوومين برصيـدك تروووسـي=وانقضا اليوووم ثالث يوووم مامن دراهـم
ماهووو شغلي ليا عيت عليك العروووسـي=اتفقنـا علـي بيتيـن مــدح ومعـاهـم
يضبطنـك بعيـن الزيـدي العيدروووسـي=واتنووومس بهن مع عبس لـو ماتخفاهـم
وش عليه مـن الزيديـه ام الضروووسـي=كـان زقمـك وفـرت امهـا مـا اتراهـم
ابك هالحين يالزيـدي اتدنـدن فلوووسـي=قبـل لاعلـم العمـده مـعـاك يتفـاهـم [/poem]


هذي القصيده لشاعر عبسي اسمه قسورة الغاب

والله مافهمة شي مار القصيد ذا خثرقه ماهو للمهترش اتركم السوالف

المشاركة الأصلية كتبت بواسطة القعبوبي

المهترش هو الشاعر راضي غالي القعبوبي

مشكور ولكن لااعتقد كما ذكرت راضي غالي ماعرفه ولكن يقولون شاعر ويحب المزح وصريح اما المهترش شاعر كبير لكن شرس ولايميل للمزح

وينكم يالربع يابدر البدر وياسعود العجوني ويالجريمي وياذيب الفيافي وياثويمر عطونا الخبر واذا مستحين ارسلوها برساله تراه مايكشف الرسايل غير الجريمي والجريمي مايعلم مثل البطل الصامت ههههههههههههه

السلام عليكم
صح السانكم ماقصرتو تقبلو تحيات اخوكم الاعشي

المشاركة الأصلية كتبت بواسطة ناصر خنيفر

وينكم يالربع يابدر البدر وياسعود العجوني ويالجريمي وياذيب الفيافي وياثويمر عطونا الخبر واذا مستحين ارسلوها برساله تراه مايكشف الرسايل غير الجريمي والجريمي مايعلم مثل البطل الصامت ههههههههههههه

الاخ ابو تركي
الحقيقه ماعندي خبر لاعن وضاح اليمن ولا عن المهترش
التوقعات واجد ولاكن مانقول الا انهم شعار كبار مافيهم حيله
وبعدين ترانا مانرضي علي الجرمي شئ
لا تقول عنه البطل الصامت
وشكرا للجميع

الاخ العزيز عمدة الشعار ابوتركي
السلام عليكم ورحمة الله وبركاته

اشكرك على طرحك الممز وجهودك
وبحثك المستمر عن هذاء الشاعر المهترش ولكن
لاتستعجل مصير الايام تكشف حقيقة
المهترش وبالنسبه لي ماعرف عن المهترش
شي ولازال البحث جاري عن المهترش

المهترش في بوتقة التجارب والبحث
والنتائج مذهله تسلم لمن يدفع اكثر

سعود العجوني ثويمر الباحث اشكركم على التفاعل مع الموضوع وانا من تحليلاتي لردود اتضح لي انكم تعرفونه معرفه تامه ولكن لديكم تكتم شديد على هذا الشخص مافيه مشكل بحقكم ولكن المثل يقول اللي بالقدر يطلعه الملاس مع طول الوقت كل شي يعرف اشكركم جميعا

المشاركة الأصلية كتبت بواسطة ناصر خنيفر

سعود العجوني ثويمر الباحث اشكركم على التفاعل مع الموضوع وانا من تحليلاتي لردود اتضح لي انكم تعرفونه معرفه تامه ولكن لديكم تكتم شديد على هذا الشخص مافيه مشكل بحقكم ولكن المثل يقول اللي بالقدر يطلعه الملاس مع طول الوقت كل شي يعرف اشكركم جميعا

الاخ ابوتركي--شاعرنا العمدة القدير--اسعد الله مساك
تكفى يابو تركي انا شغلت معمل البحث ووعدت العاملين فيه بالشرهات كله على شان نخوتك واليوم يوم توصلو لنتايج جيده لا تخلينا طال عمرك وترى نقنع بالقليل منكم ولو انا كنا قبل شرهتنا كبيره مثل تفطرون عندنا والا تعايدون نهار العيد لو على فنجال .

متميز المهترش في المحاوره