حيالله الظيف الكريم المكرم /

المشاركة الأصلية كتبت بواسطة جمعان خلف

السلام عليكم ورحمة الله وبركاته

احبتي في منتدى الجميع اهنئكم بحلول شهر الرحمه والمغفره والعتق من النار , شهر الاحسان شهر التسامح شهر رمضان المبارك اعادة الله علينا
وعليكم بالخير واليمن والبركات , كما اهديكم بهذه المناسبة قصيدة خاصة
وماهي إلا ذكرى , فذكّر فأن الذكرى تنفع المومنين ,


حيالله الظيف الكريم المكرم
حياللـه الظيف الكريم المكرم = اللي جمع بين الكرم والكرامه
كرامة المسلم وعرضه محرم = وفرضا على المسلم يقف لاحترامه
ياظيف جيت بخير واجب تكرم = مانت أي ظيف ومانت راعي جهامه
أنت الرجا وانت الامل والمحرم = نار العذاب المن كذب في صيامه
الصوم للـه والكريم ايتكرم = وتذكّر الموقف بيوم القيامه
يامسلم انهض من سباتك وشمر = وبالمسجد ادخل قبل وقت الاقامه
حتيش لو في طول عمرك تعمر = لابد من يومٍ اتكفن بخامه
فرصه وجتك ولاتصد وتذمر = صوم وتصدق واحسن الاستقامه
حاسب ضميرك شوف عمرك تصرم = في كل يوم العمر يقرب ختامه

محبكم جمعان خلف الرشيدي

الاخ العزيز جمعان
كل عام وانت بخير وعساك من عواده وصح اللسانك ولكن
القصيده تحتاج الي اكثر من صح اللسانك وانت الماشي
اخي الكريم لما قريت قصيدتك رئيت فيها مايعيبها بس لانك جمعان خلف توقعت انه اختراع جديد (قصيده لها صدرين وعجز )
ولكن لما وصلت للبيت الاخير عرفت انك كتبتها وانت ضميان قبل مغيب الشمس بص ساعه وعيونك تخيل الشوربه والمعكرونه
وريحة الفجال مصدعه براسك لين اندشت واخلفت حتي القافيه ههههههه علي العموم لكل جوادن كبوه وعليت يابوخليفه
وتقبل تحيات اخوك / الاعشي