عابره سبيل

ترى الذبايـح واهلهـا ماتسلينـي
انا ادري ان المرض لايمكن علاجه
ادري تبـي راحتـي يابعـد عينـي
حرام ماقصرت ايديك فـي حاجـه
اخـذ وصاتـي وامانـه لاتبكينـي
لوكان لك خاطرن ماودي ازعاجـه
ابيك في ايدينك تشهدني وتسقينـي
وداعتك لايجـي جسمـي بثلاجـة
لف الكفن في ايديك وصف رجلينـي
ماغيرك احدن كشف حسناه وحراجه
ابيـك بالخيـر تذكرنـي وتطرينـي
يجيرني خالقي مـن نـار وهاجـه
سامح على اللي جرى مابينك وبيني
ايام امشي عـدل وايـام منعاجـه
اعيالي همي وانا اللي في يكفينـي
علمهم الديـن تفسيـره ومنهاجـه

اللهم ارحمها وأسكنها الفردوس الاعلى من الجنه وأموات المسلمين


شكرأ علي الطرح الجميل . والله يرحم الشاعره عابره سبيل
تقبل مروري