يوم هبّ الوقـت وأعمانـي عجاجـه

يوم هبّ الوقـت وأعمانـي عجاجـه
الفرج عيّا .. وأنـا بالصبـر راهـي

ويوم مال وطـال ميلـه وأعوجاجـه
رحـت أدوّر شـي ٍ يشـد إنتبـاهـي

وشفت زولك مقبـل ٍ مثـل إنفراجـه
كنّه اللـي جايـبٍ عـزّي و جاهـي

يـاه ياضيقـات صـدري وإبتهاجـه
تذكر آخر مرة ٍ شفتك ..متى هـي !!

صاحبـك مـن يومهـا زاد إحتياجـه
وأمتطى ظهـر المصايـب والدواهـي

سولف الليلـه علـى قلبـي و ناجـه
من بقى لي غيرك أفخر بـه وأباهـي

يابعـد مـن كـدّر غيابـي مزاجـه
ويابعد من مـرّت حروفـه شفاهـي

رغم حيرة قلبـك ورغـم إنزعاجـه
الزمن .. ماغيّـر احساسـه تجاهـي

ورغم وحشة بعدك وقسـوة سياجـه
كل حاجه فيـك ظلّـت مثـل ماهـي

الخجل فـي وجهـك أول مـنتواجـه
والبراءه في عيونـك وأنـت ساهـي

وبسمتك لامن بغيـت تقـول حاجـه
وغيرتك لاشفت كنّـي عنـك لاهـي

قبل أشوفك .. والزمن عاقد حجاجـه
أسأله : وش فيك ؟! وألقى العذر واهي

ويوم شفتك قلت للوقـت وعجاجـه :
هيه ياللي في طعونـك كنـت راهـي

أنت لـو غيّـرت فينـا ألـف حاجـه
القلوب البيـض تبقـى مثـل ماهـي

يابعـد مـن كـدّر غيابـي مزاجـه
ويابعد من مـرّت حروفـه شفاهـي

سلمت اخي عاشق السراب على نقل هذه الرائعه التي اعجبتني كثيراً, تقبل مروري

سلمت اخي عاشق السراب على نقل هذه الرائعه التي اعجبتني كثيراً, تقبل مروري

يابعـد مـن كـدّر غيابـي مزاجـه =ويابعد من مـرّت حروفـه شفاهـي
اخي عاشق السراب القصيده للشاعر فهد المساعد
الرجاء ذكر اسم صاحب القصيده عند النقل حفظاً لحقوق الشاعر
سلمت اخي عاشق السراب على نقل هذه الرائعه
تقبل مروري

مشكور يأخ عاشق السراب علىنقل هذه الرائعة
تقبل تحياتي ،،،

مشكور

ياعاشق السرااااااااب

سلمت اخي عاشق السراب على نقل هذه الرائعه التي اعجبتني كثيراً, تقبل مروري