الصلح خير ويفتح الصلح بيبان

[justify]
غبنا وجبنا
اسعد الله أوقاتكم بكل خير
نقدم لكم هذه النصيحه التواضعه
الذائقتكم الرفيعه أملين ان تحوز على رضاكم

يالأدمي نصيحتي لك بمجان
خذ المفيد وخاوي اللب كبه

فرايدً مابين لؤلؤ ومرجان
مثل الذهب يوم المعامل تصبه

رفيقك اليا من وجه الزمن شان
حزام ظهرك بالشدايد تنبه

ادمح له الزله ولو كان غلطان
لو الخطاء ياتيك من دون سبه

وامسك غضب نفسك ولو كان مكان
وتعوذ من بليس وبليس هبه

لاتكبر الموضوع وتشب نيران
وتصنع لك من صغيّر الحب قبه

ولا تنصحه لاصار بالذات زعلان
وقت الزعل حاول تصد وتكبه

نصيحتك وقت الزعل مالها شان
بعض النصائح يعتبرها مسبه

ولاتبين عيوبه ترى العيب لابان
ناره تزيد وتحرق النار حبه

وضرب له الأمثال بأطيب يافلان
ولا تنهره بالقول وحذر تسبه

واليارضى قدم له النصح برهان
وقدم على نصحك دليل المحبه

الصلح خير ويفتح اصلح بيبان
لاتقفله بينك وبينه بضبه

وقل السموحه ومامضى زلت السان
ودنق على راسه وخشمه وحبه

حكيم القوافي
[/justify]