محاورة الشاعرين/دحيم الخياري وفيصل الرياحي

[frame="9 80"]هذه المحاورة بين الشاعريين العملاقين الشاعر فيصل الرياحي البقمي والشاعر دحيم الخياري الرشيدي
وقعت هذه المحاورة في ضليع رشيد ( جبال أبانات ) سنة 1423هـ :

فيصل الرياحي :

سلامـي سلام (ن) فيه حـشمـه وتقــدير && تحيه لكم يا هل الحظوظ الكبيره
مساء الخير ياالشاعر دحيم مساء الخير && وّجود حزامك جعل في الأمر خيره

دحيم الخياري:

هلا مرحبا فيـكم وكـل الجمـاهير && تراحيــب أغنــيها بعرف وبــصيره
مساء الخير وابرك ساعه وسالم الزير && لقى شيخ من فريس صقر الجزيره


فيصل الرياحي :

كـتاب الفتاوي فيه عبره وتفـسير && من المكتبه وزع على كل ديره
يقولون ما في الشجره الا العصافير && وأنا شفت حبت برتكانه كبيره

دحيم الخياري :

تـدور السنين ويقربن المشاوير && ولا خير (ف) اللي ما يحكم ضميـره
مدام الضوامي زاحمه طية البير && لا تسمع كلام أهل الهروج الكثيره


فيصل الرياحي :


اشوفك مناحر والليالي مناحير && عسى الله يوفقك السعد والستيره
تزوجت ولا ما تزوجت يا ميــر && ترى راس مالك ما يجي مهر أميره

دحيم الخياري :


فهد فهدً ما تهمه سواليف شامير && حدوده حماها بالسـيوف الشطيـره

كسينا نحرها بالذهب والدنانير && بماض (ي) الليالي والسنين الأخيره



فيصل الرياحي:
سريت وغديت مع الجبال المعاسير && أنا ادري فهدنا ما يحلا بغيـره
يا صعب الفضاء والجاذبيه على الطير && ولو كان يا خذ له سنه في مطيره


دحيم الخياري :


سريت وّرت الماء وسقت المضاهـير && وفيصل يطالع بالعيون الكبـيره
لا تضلم نصيبك يا زعيم الشواعير && ترى الضلم ما يدفن بحوراً غزيره


فيصل الرياحي :

عرفت المجاهيم وعرفت المغاتير && وعرفت الغناوي واليدين الفقيره
أنا خابرك ونعم ما بك تقاصيـر && لكن لا حظرنا لا تغــازل سميــره


دحيم الخياري :
ليا صرت ما تجهل زبون المخاسـير && أنا أعرف ورود العد وأعرف صديره
ما والله تأخذها بعد جينا مسايير&& لو أنك زبون الحرد في كل ديـره [/frame]