:: قلادان والخصم المعادي شهدها ::

هذه القصيدة مشاركة في حفلة قبيلة القلادان

[poem=font="traditional arabic,6,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
سلام عد الصيف ومخايـل الصيـف = وعد الديار قفارهـا مـع بلدهـا
على الحليفا والرجـال العواريـف = قلادان والخصم المعـادي شهدهـا
سلام وأعمـاق الظمايـر مواليـف = والروح تسعد قبل يسعد جسدهـا
وازكى التحايا مفردات ومراديـف = لجمع الحضور اللي تزايـد سعدهـا
في حفلة اللي تكرم الجار والضيـف = الربعة اللي ما خسر مـن قصدهـا
اللي على فعل الجمايـل مواقيـف = أفعالهـم تاريخهـم مـا جحـدهـا
بدور السنين وقشرها والصواديـف = كم كبد باغي فعلهـم قـد لهدهـا
من ساس عبس وقمة المجد تشريـف = من الرأس الأبيض للعلم لـي ثمدهـا
تبقى الجبال العاليـة شمـخ النيـف = للأرض عنـوان الثبـات وعمدهـا
رغم الرياح العاتيـة والعواصيـف = ما همها قشـر السنيـن ونكدهـا
ولا هزها قـول وكتابـه وتزييـف = ولا هز مبداها ولا ارخـى جهدهـا
تبقى ويبقـى مجدهـا دون تحريـف = للموت يا نفس الحسـود بحسدهـا
وتشمخ نفوس (ن) تهتوي للمشاريف = من يزرع العـزة بنفسـه حصدهـا
ومن عاش ماله ربع مسكين وضعيف = تفنى القوى لضـاع منهـا سندهـا
ابان والرأس الأبيض والعلم بالتواصيف = معالم (ن) لديـار عبـس وعمدهـا
وخارج نطاق أهل الحكي والسواليف = اللي تسولـف بالخلايـق وحدهـا
عبس الشموخ ومجدها مجد(ن) منيف = يا عـز والله مـن تسمـى ولدهـا


[/poem]

صالح بن سعود بن مصيبيح الفريدسي

يوم الخميس – 9\4\1431 هـ

قصر – تاج الخليج