[poem=font="simplified arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
يا ناس راع الحب لو كان ابا اتوب=تراه مثـل الطفـل نفسـه رديـه
لا شاف من يظهر له الهرج مقلوب=تطـري عليـه ايامـه الاولـيـه
يكسر كما يكسر على التتن شاروب=عنت عليـه وتـل قوطـي خويـه
المستريح اللي عن الحب محجوب=محـدٍ تولـع بـه لالــه بغـيـه
يا ما ذكرنا من عجاريف وعجوب=في وقتي اللي فات تطـري عليـه
ما دك في قلبي من الهـم دالـوب=همي فـراق مقرمـزات الشفيـه
لو راس مالي بس بشتي مع الثوب=اغنى من اللـي يملـك القيصريـه
واليوم لو عندي حلال ابن يعقـوب=غناة تالـي العمـر ماهـي حليـه
كني مدير البنك والمال محسـوب=امانـةٍ للنـاس مـاهـوب لـيـه
الى توادع كـل غالـي ومحبـوب=حطـوه بيـن العايلـه بالسـويـه
هذا طريق الناس والاجل مكتـوب=كلٍ يبـي مـن والـده لـه وزيـه
لا مت كلٍ شال حقه على صـوب=الطيّب اللي يشترى لي ضحيـه
يالله عسى ماني بالنسـل مغلـوب=ويا عل ذكرانا مـع النـاس حيـه
هذا وصلوا عد ما ذكـر مكتـوب=على النبي المعصوم من كل سيـه[/poem]
الشاعر مرشد البذال رحمه الله
حاصل على ترخيص من وزارة الثقافه والاعلام السعودي
لو راس مالي بس بشتي مع الثوب)
العرض الشجري