صبرت واشوف الصبر مايبيني
حتى الصبر ينطق علامكـ ترديت
اليى متى والشك بينك وبيني
اليى متى تخطي ولاكنك اخطيت
اليى متى وادمح خطاك ابحنيني
... واليى متى واليى متى والله ازريت
ماعاد تفرق لو تروح وتجيني
عندي تساوت يوم شفتكـ تماديت
ضيعت وقتي معكـ واجمل اسنيني
في ذمتي غلطه وعنها تنحيت
مافادني كثر العذر ياظنيني
ياما على شانكـ سكت وتغاضيت
مافادني شعري ومدت يميني
اخلصت لك واعطيت ماكني اعطيت
كله على الفاضي شقاي وونيني
وانته ولامره عطيت وتعنيت
شل الفايده عشقي ودمعات عيني
ادموعي اللي تنحدر لاتباطيت
خلاص روح ارجوك لاتحتريني
واشره علي لو صوت داركـ تمشيت
منتب اول شخص ضايع يجيني
ياكثرهم قبلكـ وفيت وتناسيت
ان جيت ولا رحت رافع جبيني
ماقد نطقت الاه او قلت ياليت
الذنب ذنبي والخطا محتويني
انا اعترف يومين مثلك تهاديت
ابسألك بالله بينك وبيني
وش مستفيد الليحن يومكـ تسليت
حاصل على ترخيص من وزارة الثقافه والاعلام السعودي
رد: ان عشت ياراسي كسيتك عمامه"وان مت ياراسي فدتك العمايم [وليد البراك]
العرض الشجري