من الارشيف القديم قصيدة من الشاعر خيران عبدالله الداموكي موجهه لشاعر / ثويمر العجوني

قصيدة من الارشيق القديم موجه للشاعر / وثويمر العجوني من الشاعر خيران عبدالله الداموكي

[poem=font="simplified arabic,6,black,bold,normal" bkcolor="transparent" bkimage="backgrounds/2.gif" border="solid,7,darkred" type=1 line=0 align=center use=ex num="0,black""]
سرياقلم وكتب على سطـر قرطـاس= عبر ترى هجـوس الضمائـر لفنـي

ياونتـي ونيتهـا عقـب الادمـاس= يـوم ٍ كــلٍ بالمـنـام امتهـنـي

أبغاء المنـام وكـن للعيـن حـراس= لوعـات بقعـاء بالخفـا لوعـنـي

على وليفن زاهين حسـن الإلبـاس= والقرن من فـوق الـردوف متثنـي

ابورموش ٍ سـود وعيـون نعـاس= اليـاء نظرتـه ضيـع العقـل منـي

وصيفها في ديرت ٍ مابهـا اونـاس= لوجيـت اعـد وصوفهـا تعبـنـي

العنق عنق اللي ربت وسط الاطعاس= ريميـةٍ ولهـا الضـبـاء يتبعـنـي

اشكي عليك اللي يكد اشقـر الـراس= غـرون بحبـه ياثويمـر شحـنـي

اشكي عليك اللي تقل عيـن قرنـاس= والخـد بـراق ٍ مـزونـه سـرنـي

عجل بردك لـي يامعـرب السـاس= سوق المثائـل ليـن لـك يخدمنـي

خابـرك دايــم لصعيـبـات دواس= موج البحر غصتـه ولاهـو تمنـي

خلي يابونايف حدونـي عنـه نـاس= ومسيت مثل اللـي كسيـرن يونـي

من شافني من بعدهـا قـال مابـاس= واقول مابـي شـي مـن ماطعنـي

وانا مريض السل من عطر الانفـاس= والهـم والضيـقـات ماغـادرنـي

خلي حمسني بالخفاء حمس محماس= قام يحمسني صاحبـي حمـس بنـي

وحبهـا حـب الوفـاء ماهوادنـاس= ماهي محبـت مـن عهـوده هفنـي

حب الشرف ياذيب عـز ٍ ونومـاس= واللـي زراء يامسنـدي ماشحـنـي

ويفـز قلبـي كـل ماهـب نسنـاس= يطري لي المجمول وجلـس وغنـي

حبي وحب الزين بحر ٍ بـالا قيـاس= جددت انـأ والله اعصـورن مضنـي

وان جيت أبادله شفت معدوم الاجناس= بحلـوم لليـل ٍ تالـي الليـل جنـي

وترى حلوم الليل مكسب على افلاس= هرجـن ثبـات وردو العلـم عنـي

يامل قلب ٍ بالخفاء يرجـس ارجـاس= القلـب منـي كـل ليلـه يحـنـي

سبب لي المجمول ضيقه اوسـواس= وابشهـد انـه راح بالعقـل مـنـي

حلفت انأ من دونها مطـوي اليـاس= لن العهود اللـي حلـف لـي وفنـي

قلبي كماء عشب ٍ من الهيف يبـاس= اعـروق قلبـي بالخفـاء يبسـنـي

واشكي علـى اللـي لتماثيـل دراس= اليـا بغـاء الأمثـال لـه طاوعنـي

يصبهن صبة ذهـب مابـه انحـاس= دزيت مكتوبي علـى حسـب ضنـي

ياثويمر افزع لي ترى الفكر منحـاس= عجل بـردك لاتبـاء تقيـف عنـي

والله يالولا العقل مع قـوت البـاس= لضوي على اللي بالمحبـه شطنـي

مير البـلا هرجـت عـدون وبـلاس= سوالفـه بيـن العـرب ينشـرنـي

راع الهـواء ياذيـب لسـد حسـاس= يخفـي سـدود الحـب لايكشفـنـي

يخاف من هرجـت هبيـل ٍ وهـلاس= مـن دون لايسئـل علومـه يجنـي

ارسلت لك قافي وقافـي علـى لاس= عسـى الرسائـل يمكـم ياصلـنـي

وصلاة ربـي عـد ماهـب نسنـاس= وعد المزون اللـي سـرن يمطرنـي[/poem]

وهذا رد الشاعر ثويمر العجوني

[poem=font="simplified arabic,6,black,bold,normal" bkcolor="transparent" bkimage="backgrounds/2.gif" border="solid,7,darkred" type=1 line=0 align=center use=ex num="0,black""]
قال اللذي فـي بـدع الامثـال حسـاس= يـوم الهجـوس بضامـره لجلجـنـي
من هاجس ٍ وسط الحشاء يرجس ارجاس= قامـت هجوسـي بالحشـاء يرجسنـي
قامـت تـدق بضامـري دق الاجـراس= لامـا تـزايـد صوتـهـن وزعجـنـي
وخذت لي مع سكـت الشعـر مـرواس= مثـايـلـنٍ للمسـتـمـع يطـربـنـي
ومـن بعدهـا دنيـت حبـر ٍ وكـراس= ابيـات فــي راس القـلـم يكتبـنـي
مثايلـن يطـرب لهـا كـل حـسـاس= والا لبلـيـد القـلـب مايصلـحـنـي
رد ٍ على اللي يشتكـي عـدم الاجنـاس= يـقـول حـبـه ياثويـمـر شحـنـي
شاعـر كبيروسـط الابحـار غـطـاس= سفنـه لمـوجـات البـحـر يعبـرنـي
ماهومن اللي لولـس الهـرج لـولااس= سـوالـفـه لاقـالـهـن يبحـلـنـي
شاعر فهيم وكـل بنيـه علـى سـاس= احـبـال عـرفـه لــروى يـاردنـي
يقول من دون الغضـي حالـو النـاس= بينـي وبيـن الصاحـب اللـي شطنـي
والحـب ياخيـران همـن اوســواس= انـا مجـرب وفـهـم العـلـم مـنـي
الحـب كنـه يافـتـى ســم نــداس= يمسـك عـروق القـلـب لاينبظـنـي
ذكرتني وقت ٍ مضـاء مرمـس ارمـاس= وقت ٍ مضاء بعصورنـا اللـي مضنـي
وقت ٍ مضـاء مافيـه حاسـد وبـلاس= ليـت اليـال اللـي مضـن يرجعـنـي
يومـن انـا وسخيـف الـروح جـلاس= الـكـل مـنـاء جـالـس ٍ مطمئـنـي
واليوم صـار الوقـت بالحيـل مسـاس= وتجمعـت مابيـن صـاحـي وجـنـي
حب الشـرف ياصاحبـي قـام ينـداس= لامـاء حبـال اهـل الشـرف قطعنـي
والحـب قـد عـذب جمانـه وفرنـاس= يــوم العجـايـز بينـهـم فرقـنـي
ياجعل ماحقـك مـن التـرف الافـلاس= يـاشـاعـر ٍ مثـايـلـه هيـضـنـي
جعلـك تفـوز بحبهـا وتاخـذ الكـاس= وتصيـر ياخيـران معـهـا متهـنـي
في جـاه رب البيـت خـلاق الانفـاس= اللـي جعـل بالنـاس شيعـي وسنـي
رب ٍ قدر يحـي الشجرعقـب الايبـاس= انــه علـيـك بصاحـبـك مايمـنـي
اللـي غرامـه جابلـك كـل هوجـاس= لامـاء همومـه وسـط جوفـك لجنـي
لكـن حـدد موقـع الـزيـن بقـيـاس= تـرى الـديـار بعرضـهـن يتعبـنـي
من شان اروح لمدمج السـاق عسـاس= وقـول مـن خيـران جيـت متعـنـي
وخبـره بالقصـه مـن الـراس لـراس= وقـول ذاك الشخـص منـك استجنـي
وان كان ابوهـا يقبـل المهـر لابـاس= انـا اللـذي مكلـوف بالـلـي يفـنـي
وان كان في راسـه شياطيـن وعمـاس= ارجــوك يـاخـيـران لاتمتـحـنـي
وان كان هو من ربعتـنٍ ترفـع الـراس= عليـه نبـغـاء ركابـنـاء يوجهـنـي
نطلب لك المجمـول معـدوم الاجنـاس= اللـي تقـول انــه بحـبـه فتـنـي
الله يجمـع شملكـم عـقـب الايــاس= وتصيـر معهـا دالـهـن مرجهـنـي
وترتاح من بعـد المشاكـل والاتعـاس= وتبرى الجـروح اللـي بقلبـك سطنـي
وصـلاة ربـي عـد حاصـد وغـراس= وعـداد مـاوراق الشـجـر ينبتـنـي
على الرسول الهاشمـي خيـرة النـاس= اللـي تبعنـا سنـتـه يــوم سـنـي[/poem]

آمل أن ينال اعجابكم هذا النقل من انه من الارشيف القديم